SAKARATUL MAUT 

Karya : Kang Jajang Tea

Lain meureun jeung ciptaan

Estu ieu kanyataan

Urang pasti ngarandapan

Awak nyawa papisahan

Jalma anu keur sakarat

Nyawa ngangseg mapay urat

Taya daya pikeun lumpat

Dicabut ku Malaikat

Hirup nu keur suka betah

Nganteur nafsu jeung amarah

Henteu inget bakal pindah

Ngabujeng ka alam barjah

Meunang ti suk-suk ti dung-dung

Loba dipake adigung

Embung bakti kanu Agung

Sholat Zakat ngaji embung

Ibadah ka teler-teler

Nepika nyangirah ngaler

Nangkarak di gulanggaper

Raga ngajepat ngagoler